श्रोत नखुलेको झण्डै २० लाख रुपैयाँ बराबरको विदेशी मुद्रासहित एक व्यक्ति पक्राउ

मकवानपुर । मकवानपुर प्रहरीले श्रोत नखुलेको झन्डै २० लाख रुपैयाँ बराको विदेशी मुद्रासहित एक व्यक्तिलाई पक्राउ गरेको छ। 

जिल्ला प्रहरी कार्यालय मकवानपुरको टोलीले हेटौंडा उपमहानगरपालिका-४ बाट सुनसरीको देवानगन्ज गाउँपालिका-५ का ४९ वर्षीय सुरेन्द्र प्रसाद साहलाई पक्राउ गरेको हो।

मकवानपुर प्रहरीले राजमार्गमा चेकजाँच का क्रममा को.७ प ५२२९ नम्बरको मोटरसाइकलमा सवार साहको साथबाट उक्त रकम बरामद गरेको हो।

बरामद गरिएको रकमसहित आबश्यक कारबाहीका लागि साहलाई राजस्व अनुसन्धान कार्यालय पठाएको जनाएको छ।