बुवाको हत्या गरेर फरार भएका छोरा पक्राउ

रुकुम पश्चिम । रुकुम पश्चिममा बुवाको हत्या गरेर फरार भएका छोरालाई प्रहरीले पक्राउ गर्न सफल भएको छ। उनलाई तीन दिनपछि प्रहरीले पक्राउ गरेको हो।

रुकुम पश्चिमको आठबिसकोट नगरपालिका- १० घारीखोलाका २० बर्षीय वीरबहादुर खत्री आज बिहान गाउँबाटै पक्राउ परेको प्रहरीले जानकारी दिएको छ ।

आइतरबार बेलुकी छोरा बीरबहादुरले बुवा  ५० वर्षीय दर्वे खत्रीको पेटमा चक्कु प्रहार गरि हत्या गरेका थिए ।

हत्यापछि फरार रहेका छोरालाई गाउँमै लुकिछिपी बसेको अवस्थामा फेला पारेर पक्राउ गरिएको जिल्ला प्रहरी प्रमुख डिएसपी नबराज पोखरेलले जानकारी दिए।

प्रहरीका अनुसार छोराले हानेको चक्कुले बुवाको घटनास्थलमै मृत्यु भएको थियो ।