घोरलको सिङ्गसहित एक युक्रेनी नागरिक पोखरा अन्तर्राष्ट्रिय विमानस्थलबाट पक्राउ

पोखरा । संरक्षित बन्यजन्तु घोरलको सिङ्गसहित पोखरा अन्तर्राष्ट्रिय विमानस्थलबाट युक्रेनी नागरिक पक्राउ परेका छन् ।

पोखरा विमानस्थल प्रहरीले मंगलबार पोखराबाट काठमाडौं जाँदै गरेका २१ युक्रेनी नागरिक पिल्प जिल्को भिस्कीको साथबाट झोला चेकजाँच गर्ने क्रममा घोरलको दुई चुच्चो परेको जोडिएको सिङ्गसहित पक्राउ गरेको प्रहरी प्रधान कार्यालय जनाएको छ।

प्रहरीले ती युक्रेनी नागरिकसहित बरामद गरेको घोरलको सिङ्गलाई आबश्यक अनुसन्धान र कारबाहीका लागि कास्कीको नयाँ गाउँस्थित अन्नपूर्ण संरक्षण क्षेत्रको कार्यालयमा पठाइएको प्रहरी प्रधान कार्यालयले जानकारी दिएको छ।