सँगै सुतेका आफ्नै सहकर्मीको हत्या गरेको आरोपमा लोप्चन पक्राउ

मकवानपुर । जिल्ला प्रहरी मकवानपुरले  सँगै सुतेका आफ्नै सहकर्मीको हत्या गरेको आरोपमा एक जनालाई पक्राउ गरेको छ।

मकवानपुर प्रहरीले मनहरी गाउँपालिका-६ प्रतापुरको लच्कामा ३४ वर्षीय अम्मरबहादुर लोप्चनलाई ५० वर्षीय जितबहादुर मोक्तानको हत्या गरेको आरोपमा पक्राउ गरेको जनाएको छ।

प्रहरीका आज बिहान साढे १ बजे आफ्नै घरमा सुतिरहेका  सँगै मजदुरीमा हिँड्ने मोक्तानमाथि लोप्चनले साबेल प्रहार गरेको गम्भीर घाइते बनाएका थिए। निर्माणका काममा सँगै जाने दुबै जना मोक्तानको घरमा सुत्ने गरेको प्रहरीले जानकारी दिएको छ।

साबेल प्रहारबाट गम्भीर घाइते भएका मोक्तानको जिल्ला अस्पताल चितवनमा उपचारका  क्रममा आज बिहान साढे ३ बजे मृत्यु भएको प्रहरीले जानकारी दिएको छ।

मकवानपुर प्रहरीले सहकर्मीको हत्या गरेको आरोपमा प्रहरीले लोप्चनलाई पक्राउ गरेर थप अनुसन्धान सुरु गरेको जनाएको छ।