पहिरोले घर बगाउँदा स्याङ्जामा आमाछोरीको मृत्यु

स्याङ्जा । भीषण वर्षासँँगै आएको पहिरोले घर बगाउँदा आमाछोरीको मृत्यु भएको छ। गएराति ११ बजे स्याङ्जाको फेदीखोला गाउँपालिका-५ स्थित स्थानीय दुर्गा जिटीको घर पहिरोले बगाएको प्रहरीले जनाएको छ।

प्रहरीका अनुसार पहिरोले घर बगाउँदा दुर्गा र उनकी ३ वर्षीया छोरीको मृत्यु भएको हो।

उनीहरु घरमा सुतिरहेको समयमा घरभन्दा २५-३० मिटर माथिबाट खसेको पहिरोले घर बगाएर उनीहरुलाई पुरेको स्याङ्जा प्रहरीले जानकारी दिएको छ।