दुबइ हुँदै नेपाल आइपुगेका आशिष १ किलो सुनसहित विमानस्थलबाट पक्राउ

काठमाडौँ । दुबइबाट काठमाडौं १ किलो बढी सुन लिएर आईपुगेका एक जना त्रिभुवन अन्तर्राष्ट्रिय विभानस्थलबाट पक्राउ परेका छन् ।

त्रिभुवन अन्तर्राष्ट्रिय विमानस्थल भन्सार कार्यालयका अनुसार एयर अरेबियाको फ्लाइटबाट दुबइ हुँदै नेपाल आएका चितवनका आशिष सुवेदी १ किलो १ सय ग्राम सुनसहित पक्राउ परेका हुन् ।

रबरको एक प्रकारको भाँडो बनाएर त्यसमा सुनलाई प्याक गरेर ल्याएको अवस्थामा सुवेदी पक्राउ परेको जनाइएको छ ।

भिजिट भिसामा दुबइ गएकामा काम नपाएर फर्किने बेला अपरिचित व्यक्तिले सुन काठमाडौँ पुर्‍याएमा १० हजार दिने आश्वासन दिएपछि सो सुन ल्याएको उनले प्रारम्भिक बयान दिएका छन् ।

सुनसहित पक्राउ परेका सुवेदीलाई गौशाला प्रहरी वृत्तमा राखेर थप अनुसन्धान जारी राखिएको प्रहरीले जानकारी दिएको छ।