बाँकेका तीन वरिष्ठ सई र एक जना सईले लगाए दर्ज्यानी चिन्ह

काठमाडौं । जिल्ला प्रहरी बाँकेका प्रमुख प्रहरी उपरीक्षक  (एसपी) तुलबहादुर कार्कीले वरिष्ठ प्रहरी नायब निरीक्षक (वरिष्ठ सई) र नायब निरीक्षक (सई) मा बढुवा भएकाहरुलाई दर्ज्यानी चिन्ह लगाइदिएका छन् ।

जिल्ला प्रहरी कार्यालय बाँकेमा आयोजित एक कार्यक्रमकाबीच यही मंसिर १४ नायब निरीक्षक (सई) बाट वरिष्ठ सईमा बढुवा भएका तीन जना र एक जन प्रहरी सहायक निरीक्षक (असई) बाट बढुवा भएकाहरुलाई एसपी कार्कीले दर्ज्यानी चिन्ह प्रदान गरेको जिल्ला प्रहरी बाँकेले जानकारी दिएको छ।

दर्ज्यानी चिन्ह प्रदान गर्दै एसपी कार्कीले बढुवा भएका उनीहरुलाई बधाई तथा शुभकामना दिँदै आगामी दिनहरुमा अझै जिम्मेवार भएर संगठनले दिएको कार्यलाई व्यवसायिक, ईमान्दारिता तथा थप क्रियाशिल भएर कर्तव्य पूरा गर्न निर्देशन दिएका हुन् ।

आज वरिष्ठ सई यम साउद, बिनोद सिंह राठौर र कृष्णदेव भट्ट र सईमा बढुवा भएका जंगबहादुर महतरा क्षेत्रीले दर्ज्यानी चिन्ह प्राप्त गरेका हुन् । दर्ज्यानी चिन्ह प्रदान कार्यक्रममा  प्रहरी अधिकृत तथा अन्य प्रहरी कर्मचारीहरुको उपस्थिति रहेको थियो।