सुर्खेतमा ट्राफिक प्रहरीले गर्‍यो राजमार्गमै सवारीसाधनको मेकानिकल जाँच

सुर्खेत । सुर्खेतमा सवारीसाधनको मेकानिकल जाँच गरिएको छ। जिल्ला ट्राफिक प्रहरी कार्यालय र यातायात व्यवस्थापन कार्यालय सुर्खेतको टोलीए सुर्खेत-दैलेख सडक खण्डमा गुड्ने सवारीसाधनको मेकानिकल जाँच गरेको हो।

यातायात व्यवस्थापन कार्यालयको मेकानिकल इन्जिनियरसहितको सुर्खेत ट्राफिक प्रहरीको टोलीले उक्त सडक खण्डमा चल्ने सवारीसाधनको मेकानिकल अवस्थाको जाँच गरेको जिल्ला ट्राफिक प्रहरी कार्यालय सुर्खेतले जनाएको छ।

चेकजाँच का क्रममा मेकानिकल अवस्था ठिक नभएका सवारीसाधनलाई कारबाही गर्दै चालक, सहचालक र यात्रुहरुलाई सचेत गराइएको ट्राफिक प्रहरीले जानकारी दिएको छ।