६० किलो गाँजा बोकेको अटोरिक्सा सशस्त्र प्रहरीको नियन्त्रणमा

काठमाडौं । सशस्त्र प्रहरीले तस्करी हुँदै गरेको ६० किलो गाँजासहित एउटा अटोरिक्सालाई नियन्त्रणमा लिएको छ। 

सशस्त्र प्रहरीले मोरङस्थित विराटनगर महानगरपालिका-१८ झटियाहीबाट ६० किलो गाँजा तस्करी गरेर लैजाँदै गरेको अटोरिक्सालाई नियन्त्रणमा लिएको जानकारी दिएको छ।

गएराति सशस्त्र प्रहरीको बखरी फवार्ड सुरक्षा बेसको टोलीले को २ ह १९६९ नम्बरकोे अटोरिक्साबाट नेपालबाट भारततर्फ लैजाँदै गरेको  उक्त  गाँजासहित अटोरिक्सा नियन्त्रणमा लिएको सशस्त्र प्रहरीले जनाएको छ। सशस्त्र प्रहरीका अनुसार अटोचालक भने सशस्त्रको टोलीलाई देख्नासथ फरार भएका थिए।  

बरामद गरिएको ६० किलो गाँजा र नियन्त्रणमा लिइएको अटोरिक्सालाई  आवश्यक कारबाहीका लागि इलाका प्रहरी कार्यालय रानी मोरङमा बुझाइएको सशस्त्र प्रहरी प्रधान कार्यालयले जनाएको छ।