दाङमा तिब्र गतिको टिपरले मोटरसाइकललाई ठक्कर दिंदा एक युवकको मृत्यु, अर्का युवक घाइते

दाङ । दाङमा तिब्र गतिमा रहेको टिपरले ठक्कर दिँदा  मोटरसाइकल सवार एक जनाको मृत्यु भएको छ। उक्त दुर्घटनामा अर्का  एक जना घाइते भएका छन् ।

जिल्ला प्रहरी कार्यालय दाङका अनुसार सोमबार बेलुका  साढे ६ बजेतिर घोराही उपमहानगरपालिका(-१० झारबैरा चोकमा रा १ ख १२९१ नम्बरको टिपरले रा ७ प ७४६ नम्बरको मोटरसाइकललाई ठक्कर दिँदा तुलसीपुर उपमहानगरपालिका-१९ का १९ वर्षिय सुदिप बुढाथोकको मृत्यु भएको हो।

टिपरको ठक्करबाट गम्भीर घाइते भएका सुदिपको उपचारका क्रममा घोराहीस्थित राप्ती स्वास्थ्‍य विज्ञान प्रतिष्ठानमा क्रममा मृत्यु भएको प्रहरीले जनाएको  छ। तुलसीपुर-१७ कै अर्का २२ वर्षीय युवक दिपक बस्नेत घाइते भएका छन् ।

एउटाको ज्यान लिएको र अर्का युवकलाई घाइते बनएको  टिpar र घोराही-१० डोक्रेनाका ४० वर्षीय चालक जित बहादुर चौधरीलाई प्रहरीले पक्राउ गरेर घटनाबारे थप अनुसन्धान गरिरहेको दाङ प्रहरीले जानकारी दिएको छ।