सशस्त्र प्रहरीद्वारा ७ लाख रुपैयाँको रुद्राक्षको दाना बरामद

काठमाडौं । सशस्त्र प्रहरीले ७ लाख रुपैयाँ मूल्य बराबरको रुद्राक्षको दाना बरामद गरेको छ। सशस्त्र प्रहरीको टोलीले सुनसरीबाट ३ क्विन्टल ४४ किलो रुद्राक्षको दाना बरामद गरेको जानकारी दिएको छ।

आज बिहान सुनसरीस्थित सुरक्षा बेस धरानले धरान उपमहानगरपालिका-१३ शिवधारा स्थित कोशी लोकमार्गबाट उक्त ठुलो परिमाणमा रुद्राक्षको दाना बरामद गरेको सशस्त्र प्रहरीले जानकारी दिएको छ।

बरामद गरेको ७ लाख रुपैयाँको रुद्राक्षको दानालाई आवश्यक कारवाहीको लागि राजश्व कार्यालय ईटहरी सुनसरीमा बुझाएको सशस्त्र प्रहरीले जानकारी दिएको छ।