राष्ट्रिय प्रहरी प्रशिक्षण प्रतिष्ठानमा 'पुलिस लिडरसिप तथा स्टाफ कोर्ष' सम्बन्धी कार्यशाला

काठमाडौं । राष्ट्रिय प्रहरी प्रशिक्षण प्रतिष्ठान केन्द्रमा नेपाली सेना कमाण्ड तथा स्टाफ कलेजका विषय विज्ञहरु र राष्ट्रिय प्रहरी प्रशिक्षण प्रतिष्ठानका सिनियर प्रहरी अधिकृतहरुबीच कार्यशाला गरिएको छ।

पुलिस लिडरसिप तथा स्टाफ कोर्षको तयारीका लागि  सेनाको स्टाफ कलेजका विज्ञहरुसँग आइतबार र सोमबार प्रशिक्षण प्रतिष्ठानका सिनियर प्रहरी अधिकृतहरुबीच कार्यशाला गोष्ठी गरिएको प्रहरी प्रशिक्षण प्रतिष्ठानका प्रमुख प्रहरी अतिरिक्त महानिरीक्षक (एआईजी) सुदिप गिरीले बताए ।

राष्ट्रिय प्रहरी प्रशिक्षण प्रतिष्ठान महाराजगञ्जमा सञ्चालन भएको उक्त कार्यशालामा स्टाफ कोर्षको व्यवसायिक पाठ्यक्रमको ढाँचा, मूल्याङ्कन प्रणाली, अभ्यास सञ्चालन कार्यविधि लगायतका विषयवस्तुहरुमा छलफल भएको एआईजी गिरीले जानकारी दिए।

उक्त कार्यशाला गोष्ठीम सेना र प्रहरीका ११ जना अधिकृतहरु सहभागी रहेका थिए।