लालीगुराँस बहुउद्देश्यीय सहकारीका अध्यक्ष पक्राउ

काठमाडौं । उपत्यका अपराध अनुसन्धान कार्यालयले लालीगुराँस बहुउद्देश्यीय सहकारी संस्थाका अध्यक्ष सुरेन्द्र भण्डारीलाई पक्राउ गरेको छ।

अपराध अनुसन्धानको टोलीले भण्डारीलाई काठमाडौंको बालुवाटारबाट पक्राउ गरेको जानकारी दिएको छ।

अध्यक्ष भण्डारीले  ललितपुरको पुलचोकस्थित लालीगुराँस सहकारी संस्थाबाट रकम अपचलन गरेको हुँदा जिल्ला अदालत ललितपुरले पक्राउ पुर्जी जारी गरेको थियो।

पक्राउ परेका भण्डारीलाई थप अनुसन्धानका लागि जिल्ला प्रहरी परिसर ललितपुर पठाइने अपराध अनुसन्धान कार्यालयले जानकारी दिएको छ।