दुई वटा बन्दुकसहित दुई जना पक्राउ

काठमाडौं । प्रहरीले भरुवा बन्दुकसहित दुई जनालाई पक्राउ गरेको छ। मोरङ प्रहरीले सुनवर्षी नगरपालिका-७ बरडंगाकाका ओमप्रकाश यादवलाई मंगलबार दिउँसो  एउटा भरुवा बन्दुकसहित पक्राउ गरेको हो। 

यादवलाई इलाका प्रहरी कार्यालय रंगेलीले उनकै घरबाट भरुवा बन्दुकसहित पक्राउ गरेको प्रहरी प्रधान कार्यालयले जानकारी दिएको छ।

त्यसैगरी, मंगलबार दिउँसो नै अछामको साँफेबगर नगरपालिका-७ रिडिकोटका  ३३ वर्षीय कुबेर केसीलाई १ थान भरूवा बन्दुकसहित पक्राउ गरेको हो।

प्रहरी प्रधान कार्यालयका अनुसार इलाका प्रहरी कार्यालय बयलपाटाबाट खटिएको टोलीले उनकै घरको छानामाथि लुकाई छिपाई राखेको अवस्थामा बन्दुक फेला पारेपछि केसी पक्राउ  परेका हुन् ।

मोरङ र अछाम प्रहरीले घटनाबारे थप अनुसन्धान गरिरहेको प्रहरी प्रधान कार्यालयले जानकारी दिएको छ।