घोराहीबाट ब्राउन सुगरसहित एक युवक पक्राउ

दाङ । दाङ प्रहरीले ब्राउन सुगरसहित एक युवकलाई पक्राउ गरेको छ। जिल्ला प्रहरी कार्यालय दाङले घोराही उपमहानगरपालिका-१३ बर्माचोकवाट रोल्पाको परिवर्तन गाउँपालिका-६ का ३० बर्षीय वीरेन्द्र बुढा मगरलाई ब्राउन सुगरसहित पक्राउ गरेको चो।

प्रहरीले उनको साथवाट ५  पुडिया धागोले बाँधेर लुकाएर  राखेको अवस्थामा ३ ग्राम ४२० मिलीग्राम ब्राउन सुगर बरामद गरेको जानकारी दिएको छ।

गोप्य सूचनाको आधारमा जिल्ला प्रहरी कार्यालय डीएसपी इश्वर थापाको कमान्डमा गएको टोलीले संकाष्पद अवस्थमा हिडिरहेका मगरलाई खानतलासी गर्दा ब्राउन सुगर बरामद गरेको थियो ।

जिल्ला प्रहरी दाङले पक्राउ परेका वीरेन्द्रसँग थप अनुसन्धान गरिरहेको जानकारी दिएको छ ।