सशस्त्र प्रहरीद्वारा ठुलो परिमाणमा प्रतिबन्धित औषधि बरामद

काठमाडौं । सशस्त्र प्रहरीले ठुलो परिमाणमा प्रतिबन्धित औषधि बरामद गरेको छ।

सुनसरीस्थित सशस्त्र प्रहरी  हरिनगर गाउँपालिका–५ सुकसेनाको भित्री सडकखण्डबाट आज बिहान  ९४ हजार रुपैयाँ बराबरको प्रतिबन्धित औषधी बरामद गरेको सशस्त्र प्रहरी प्रधान कार्यालयले जनाएको छ।

सशस्त्र प्रहरीको बिओपी बसन्तपुरको टोलीले भारतबाट अवैध रुपले मोटरसाईकलमा राखी ल्याउँदै गरेको १ हजार ९८ प्याकेट  ट्रमाडोल हाईड्रो क्लोराईट क्याप्सुल बरामद गरेको  हो । 

सशस्त्र प्रहरीका अनुसार औषधि ल्याउने व्यक्ति सशस्त्र प्रहरीलाई देख्नासाथ औषधी फालेर मोटरसाइकलसहित फरार भएका छन् ।