तुलसीपुरको राजापुरमा जिप दुर्घटना, तीन युवक घाइते

तुलसीपुर । दाङको तुलसीपुरमा जिप दुर्घटना हुँदा तीन जना घाइते भएका छन् । 

इलाका प्रहरी तुलसीपुरका अनुसार तुलसीपुरदेखि गएराति ८ बजे घोराहीतर्फ जाँदै गरेको बा१६च १९५५ नम्बरको जिप तुलसीपुर-७ राजापुरमा दुर्घटना हुँदा तीन युवक घाइते भएका छन् ।

प्रहरीका अनुसार जिपमा सवार ५ जनामध्ये तुलसीपुर-६ का २५ वर्षीय विजय गिरी, तुलसीपुर-१२ का २७ वर्षीय जोयल गिरी र तुलसीपुर-११ का २७ वर्षीय कृष्ण केसी घाइते भएका छन् भने २ जना सकुशल रहेका छन् ।

घाइतेहरुको तुलसीपुरमा उपचार भएर डिस्चार्ज भएको तुलसीपुर प्रहरीले जनाएको छ।