तुलसीपुरबाट ५ जना जुवाडे पक्राउ

दाङ । दाङको तुलसीपुरबाट प्रहरीले ५ जना जुवाडेलाई पक्राउ गरेको छ।

जिल्ला प्रहरी कार्यालय दाङ र इलाका प्रहरी कार्यालय तुलसीपुरको संयुक्त टोलीले तुलसीपुरबाट ५ जना जुवाडेलाई पक्राउ गरेको हो।

विशेष सूचना पाएर गए राति गएको प्रहरीको टोलीले तुलसीपुर उपमहानगरपालिका-६ जुवा खेल्दै गरेका ५ जुवाडेलाई ९२ हजार रुपैयाँँ नगदसहित पक्राउ गरेको दाङ प्रहरीले जानकारी दिएको छ।

प्रहरीले पक्राउ परेका व्यक्तिहरुको नाम भने सार्वजनिक गरेको छैन भने उनीहरुलाई म्याद थप गरेर इलाका प्रहरी कार्यालय तुलसीपुरले थप अनुसन्धान सुरु गर्ने जिल्ला प्रहरी दाङले जनाएको छ।