बाँकेका महिला प्रहरीसँग प्रहरी निरीक्षक शिवा थापाको अन्तरक्रिया

नेपालगन्ज । जिल्ला प्रहरी बाँकेले महिला प्रहरी कर्मचारीसँग अन्तरक्रिया गरेको छ। जिल्ला प्रहरी कार्यालय बाँके र  मातहतका महिला कर्मचारीसँग प्रहरी निरीक्षक शिवा थापाले अन्तरक्रिया गरेकी हुन् । 

आज जिल्ला प्रहरी परिसरमा आयोजित अन्तरक्रियामा महिला प्रहरी कर्मचारीसँग प्रहरी निरीक्षक थापाले महिला प्रहरीका पिर मर्का, गुनासो र समस्याका बारेमा जानकारी लिएकी थिइन।

पिर, मर्का र गुनासो सुन्दै प्रहरी निरीक्षक थापाले त्यस बारेका समस्या समाधानका बारेमा समेत परामर्श गरेको जिल्ला प्रहरी बाँकेले जानकारी दिएको छ।

हरेक महिनामा हुने यस्तो खाले महिलासँगको अन्तरक्रिया प्रहरी निरीक्षक थापाबाट सुरुवात भएको र आगामी दिनहरुमा यथावत रहने बताइएको छ। प्रहरी निरीक्षक थापा जिल्ला प्रहरी कार्यालय बाँके मातहत महिला सेलमा कार्यरत छिन् ।