तुलसीपुरको ग्वारखोलामा मोटरसाइकल दुर्घटना, चालकको मृत्यु हुँदा पछाडि सवार युवक घाइते

दाङ । दाङको तुलसीपुरको ग्वारखोला पुल नजिकै मोटरसाइकल दुर्घटना हुँदा चालकको मृत्यु भएको छ भने एक जना घाइते भएका छन् ।

दुर्घटनामा घाइते भएका तुलसीपुर उपमहानगरपालिका- १६ का २० बर्षीय चालक सागर नेपालीको उपचारका क्रममा बाँकेको कोहलपुरस्थित मेडिकल कलेजमा गएराति नै मृत्यु भएको छ ।

मोटरसाइकलको पछाडि सवार सोही ठाउँका ३५ बर्षीय ताराबहादुर धिताल घाइते रहेको र उनी प्रहरीको निगरानीमा रहेको प्रहरीले बताएको छ ।

पुकार पसल चोकबाट तुलसीपुर उपमहानगरपालिका – १२ ग्वारखोला पुल तर्फ जाँदै गरेको रा ३ प ३७५० नम्बरको मोटरसाइकल अनियन्त्रित भइ दुर्घटनामा परेको  इलाका प्रहरी कार्यालय तुलसीपुरले जनाएको छ। 

मोटरसाइकल झन्डै १५ मिटल तल खसेको प्रहरीले जानकारी दिएको छ । पछाडि सवार ब्यक्ति प्रहरीको निगरानीमा तुलसीपुरमै उपचाररत छन् ।