जुवाखालबाट लाखौं रुपैयाँसहित ९ जुवाडे पक्राउ

काठमाडौं । प्रहरीले जुवाखालबाट ९ जना जुवाडेलाई लाखौं रुपैयाँसहित पक्राउ गरेको छ।

प्रहरी वृत्त स्व्यम्भुबाट खटिएको टोलीए  काठमाडौँको नागार्जुन नगरपालिका-३  गैरी गाउँबाट ९ जुवाडेलाई पक्राउ गर्दै २ लाख ९९ हजार नगद बरामद गरेको हो।

स्थानीय हर्कबहादुरको घरमा जुवा खेल्दै गरेको सूचना पाएर गएको प्रहरीको टोलीले गोरखाका दोर्जे लामा, हर्कबहादुर गुरुङ, राजु गुरुङ, पेम्बा ग्याल्वो, थिले लामा, मनाङको चामे घर भएकी रञ्जना लामा र विजय माया गुरुङसहित ९ जनालाई पक्राउ गरेको जिल्ला प्रहरी परिसर काठमाडौंले जानकारी दिएको छ।

पक्राउ परेका जुवाडेलाई हिरासतमा लिएर थप अनुसन्धान सुरु गरेको काठमाडौं प्रहरीले जनाएको छ।