रवि लामिछानेलाई सिमरा हुँदै पर्सा पुर्याइयो

काठमाडौं । पूर्व गृहमन्त्री रवि लामिछानेलाई पोखराबाट काठमाडौं हुँदै सिमरा विमानस्थलबाट पर्सा लगिएको छ।

राष्ट्रिय स्वतन्त्र पार्टीका सभापतिसमेत रहेका पूर्व गृहमन्त्री लामिछानेलाई पर्सास्थित सानो पाइला सहकारी ठगी प्रकरणमा पर्सा जिल्ला अदालतबाट लामिछानेसहित १४ विरुद्ध पक्राउ पुर्जी जारी भएकाले बयानका लागि पर्सा लगिएको हो।

आज मात्रै पोखरा हिरासतमा रहेका पूर्व डीआईजी छविलाल जोशीलाई पनि बयानका लागि पर्सा ल्याइएको छ।

गत कात्तिक २ गते काठमाडौंबाट पक्राउ परेर पोखरा लगिएका पूर्व गृहमन्त्री लामिछानेको रुपन्देही, काठमाडौं र चितवनमा पनि सहकारी ठगी प्रकरणमा पक्राउ पुर्जी जारी भएको थियो। उनको कास्कीसहित रुपन्देही, काठमाडौं, चितवन बयान गराइएको थियो।