लागुऔषधसहित ४ जना प्रहरीको नियन्त्रणमा

काठमाडौं । प्रहरीले लागुऔषधसहित विभिन्न स्थानबाट ४ जनालाई पक्राउ गरेको छ। 

प्रहरीको टोलीले काठमाडौं-३२ बाट १३ ग्राम खैरो हेरोइनसहित झापाको कचनकवल गाउँपालिका-७  भएका २७ वर्षीय छिरिङ लामा तामाङलाई सोमबार बेलुकी प्रहरीले पक्राउ गरेको छ । प्रहरी प्रभाग कोटेश्वरबाट खटिएको प्रहरीले उनलाई खैरो हेरोइन सहित पक्राउ गरेको हो । 

त्यसैगरी कैलालीको धनगढी उपमहानगरपालिका-२ शिक्षा कार्यालय नजिकबाट २ सय ६० मिलिग्राम ब्राउनसुगर  सहित सोही उपमहानगरपालिका-२ बस्ने २४ वर्षीय ज्ञानु धामीलाई गए राति प्रहरीले पक्राउ गरेको छ । अस्थायी प्रहरी पोष्ट बिशालनगरबाट खटिएको प्रहरीले उनलाई उक्त पदार्थ सहित पक्राउ गरेको हो । 

मकवानपुरको मनहरी गाउँपालिका-७ मनहरी बजारबाट  ९ किलो ८५० ग्राम  गाँजासहित २ जनालाई सोमबार दिउँसो प्रहरीले पक्राउ गरेको छ । पक्राउ पर्नेहरूमा कैलाश गाउँपालिका-४ झ्याके बस्ने ५२ वर्षीय प्रताप सिंह मोक्तान र उनकै श्रीमती ५० वर्षीया राम माया मोक्तान रहेका छन् । इलाका प्रहरी कार्यालय मनहरीबाट खटिएको प्रहरीले उनीहरूलाई उक्त गाँजा सहित पक्राउ गरेको हो । 

यस सम्बन्धमा सम्बन्धित जिल्ला प्रहरी कार्यालयले आवश्यक अनुसन्धान गरिरहेको प्रहरी प्रधान कार्यालय जनाएको छ।