तुलसीपुरमा तीन जना सवार मोटरसाइकल दुर्घटनामा अर्का १८ वर्षीय युवकको पनि मृत्यु, चालक घाइते

तुलसीपुर। तुलसीपुरमा तीन जना सवार मोटरसाइकल दुर्घटनामा गम्भीर घाइते भएका अर्का  युवकको य मृत्यु भएको छ।

आइतबार भएको दुर्घटनामा परी गम्भीर घाइते भएका १८ वर्षीय सन्दीप वलीको मृत्यु भएको इलाका प्रहरी कार्यालय तुलसीपुरले जानकारी दिएको छ।

इलाका प्रहरी कार्यालय तुलसीपुरका अनुसार तुलसीपुर उपमहानगरपालिका- ४ मा लु.प्र -०२-००१ प १७१७ नम्बरको मोटरसाइकल दुर्घटनामा १६ वर्षीय दिपेन्द्रसहित चालक १७ वर्षीय गणेश खड्का घाइते भएका थिए। 

गम्भीर घाइते वलीको नेपालगन्ज मेडिकल कलेजमा उपचारका क्रममा आज बिहान ६ बजे मृत्यु भएको हो भने चालक खड्काको तुलसीपुर सिटी अस्पतालमा उपचार भइरहेको इलाका प्रहरीले तुलसीपुरले जानकारी दिएको छ। दुर्घटनामा अर्का युवक १८ वर्षीय दीपेन्द्र वलीको यसअघि नै मृत्यु भएको थियो।