साईगाउँ प्रहरी चौकीले बरामद गर्‍यो ठुलो परिमाणमा धाराको वासर

नेपालगन्ज । बाँकेको जानकी गाउँपालिकास्थित प्रहरी चौकी साईगाउँको टोलीले भारतबाट अवैध रुपले ल्याइएको सामाग्री बरामद गरेको छ।

आज  दिउँसो साईगाउँ प्रहरी चौकीबाट खटिएको प्रहरी नायब निरीक्षक लक्ष्मी प्रसाद  कँडेलको कमान्डको टोलीले साईगाउँबाट अवैध तस्करी गरेर ल्याइएको ४५ हजार रुपैयाँको धाराको वासर बरामद गरेको जिल्ला प्रहरी कार्यालय बाँकेले जानकारी दिएको छ।

साईगाउँले बरामद गरेको सबै अवैध धाराको वासरलाई जिल्ला प्रहरी बाँके पठाइ आबश्यक कारबाहीका लागि नेपालगन्ज भन्सार कार्यालय बुझाइएको छ।

त्यसैगरी, नेपालगन्जस्थित इलाका प्रहरी कार्यालय जमुनहा र इलाका प्रहरी कार्यालय जयसपुरले भारतबाट ल्याउदै गरिएको सुर्तीजन्य पदार्थ बरामद गरी नष्ट गरिएको जिल्ला प्रहरी बाँकेले जनाएको छ।