बोलेरो जीप दुर्घटनामा तीन जनाको मृत्यु

बुटवल । बुटवलको तिनाउ पुल नजिकै बोलेरो जीप दुर्घटना हुँदा  तीन जनाको मृत्यु भएको छ ।  बुटवल उपचारका लागि बिरामी बोकेर आउँदै गरेको लु२च २४८० नम्बरको बोलेरो जीप दुर्घटना हुँदा जिपमा सवार ३ जनाको मृत्यु भएको प्रहरीले जनाएको छ । 

दुर्घटनामा बुटवल उपमहानगरपालिका-१२ नयाँगाउँ बस्ने ७१ वर्षीय तिलकराम खनाल, उनकी श्रीमती ६७ वर्षीया गौरी र जीप चालक ३२ वर्षीय हरि न्यौपानेको मृत्यु भएको इलाका प्रहरी कार्यालय बुटवलले जनाएको छ । 

गौरीलाई  एक्कासी दम बढेपछि उपचारका लागि नयाँगाउँबाट लुम्बिनी प्रादेशिक अस्पताल बुटवलमा लैजाने क्रममा जीप पुलको डिभाइडरमा ठोक्किएर दुर्घटना भएको इलाका प्रहरी कार्यालय बुटवलले जानकारी दिएको छ।

पुल पार गरिसकेपछिको मोडमा जीप दुर्घटनामा परेको प्रहरीले जनाएको छ । उक्त जीप बुटवल-१३ स्थित अर्घाखाँची क्याटरिङको रहेको बताइएको छ ।