प्रहरीको केन्द्रीय प्रवक्तामा एसएसपी अधिकारी

काठमाडौं ।  प्रहरी वरिष्ठ उपरीक्षक (एसएसपी)विश्व अधिकारीले नेपाल प्रहरीको केन्द्रिय प्रवक्ताको जिम्मेवारी पाएका छन् ।

प्रहरी महानिरीक्षक (आईजीपी) वसन्त बहादुर कुँवरले एसएसपी अधिकारीलाई प्रवक्ताको जिम्मेवारी दिएको प्रहरी प्रधान कार्यालयले जनाएको छ।

यसअघिका केन्द्रिय प्रवक्ता प्रहरी नायब महानिरीक्षक (डीआईजी) दानबहादुर कार्की लुम्बिनीमा सरुवा भएपछि आईजीपी कुँवरले प्रहरी प्रधान कार्यालका एसएसपी अधिकारीलाई प्रवक्ताको जिम्मेवारी सुम्पिएका हुन् ।

प्रहरी प्रधान कार्यालयका कुनै जानकारीका सम्बन्धमा ९८५१२९२१११ [email protected].np मा इमेलमार्फत पनि प्रवक्ता अधिकारीलाई सम्पर्क गर्न सकिने छ।