१४ वर्षीया बालिकालाई बलात्कार गरेको आरोपमा युवक पक्राउ

सल्यान। सल्यानमा १४ वर्षीया बालिकालाई जबरजस्ती करणी गरेको आरोपमा एक युवकलाई प्रहरीले पक्राउ गरेको छ।

पक्राउ पर्नेमा सुर्खेतस्थित सिम्ता गाउँपालिका-४ का १९ वर्षीय चन्द्र बहादुर परियार रहेको जिल्ला प्रहरी कार्यालय सल्यानले जानकारी दिएको छ।

प्रहरीका अनुसार परियारले ती बालिकालाई वनगाड कुपिण्डे नगरपालिका-१ सल्लिबजारको माथिल्लो बजारस्थित गुईयखोलाको बनमाराको झाडीमा जबरजस्ती करणी गरेको भन्ने उजुरीको आधारमा पक्राउ गरिएको हो।

प्रहरी पक्राउ परेका परियारलाई हिरासतमा लिएर थप अनुसन्धान गरिरहेको छ भने आज बिदाका कारण भोलि म्याद थप गर्ने जनाएको छ।