खैरो हेरोइनसहित दुई भारतीय नागरिक पक्राउ

काठमाडौं । दुई भारतीय नागरिकलाई खैरो हेरोइनसहित प्रहरीले पक्राउ गरेको छ। 

जिल्ला प्रहरी कञ्चनपुर र लागुऔषध नियन्त्रण ब्यूरोको टोलीले भीमदत्त नगरपालिका-४ बजार क्षेत्रबाट ११ ग्राम ८३ मिलिग्राम खैरो हेरोइनसहित दुई जना भारतीय नागरिकलाई पक्राउ गरेको हो।

कञ्चनपुर प्रहरीका अनुसार उनीहरु दुबै जना भारतको उत्तराखण्डको उधमसिंहनगर खटिमाका हुन् । पक्राउ पर्नेमा सलमान शाह र प्रभजोत सिंह खिडा रहेको कञ्चनपुर प्रहरीले जनाएको छ ।

कञ्चनपुर प्रहरीले पक्राउ दुबै जनलाई हिरासतमा लिएर थप अनुसन्धान गरिरहेको जानकारी दिएको छ।