घरायसी विवादमा चक्कु प्रहार गर्दै बुवाले गरे छोराको हत्या

भक्तपुर । आफ्नै बुवाले छोरालाई चक्कु प्रहार गरी हत्या गरेका छन् ।

भक्तपुरस्थित भक्तपुर नगरपालिका-२ मा अछामको कमलबजार नगरपालिका-६ का ६३ वर्षीय दीप बहादुर शाहीले आफ्नै छोराको चक्कु प्रहार गरी हत्या गरेको भक्तपुर प्रहरीले जानकारी दिएको छ।

हाल भक्तपुर बस्दै आएका दीप बहादुरले घरायसी विवादका कारण गए राति ३१ वर्षीय छोरा नरेन्द्र बहादुर शाहीलाई चक्कु प्रहार गरी हत्या गरेका हुन् ।

प्रहरीले मृतक नरेन्द्रका बुवा दीपलाई पक्राउ गरिसकेको जिल्ला प्रहरी परिसर भक्तपुरले जनाएको छ। दीपले तरकारी काट्ने चक्कुले छोराको हत्या गरेको प्रहरीले जानकारी दिएको छ।