१५ वर्षीया किशोरीलाई जबरजस्ती करणी गरेको आरोपमा युवक पक्राउ

काठमाडौं । प्रहरीले २१ वर्षीय युवकलाई जबरजस्ती करणीको आरोपमा पक्राउ गरेको छ।

धनकुटामा १५ वर्षीया किशोरीलाई जबरजस्ती करणी गरेको आरोपमा प्रहरीले  धनकुटा नगरपालिका-३ स्याउले मोडमा डेरा गरी बस्ने २१ वर्षीय युवक लिलाबहादुर विश्वकर्मालाई पक्राउ गरेको हो।

विश्वकर्मा सिन्धुलीको सुनकोशी गाउँपालिका-७ गैरीटोलका स्थायी वासिन्दा हुन् । 

लिलाबहादुरले ती किशोरीलाई आफ्नै कोठामा लगेर ललाई फकाई सोमबार राति जबरजस्ती करणी गरेको भन्ने उजुरीको आधारमा जिल्ला प्रहरी कार्यालय धनकुटाबाट खटिएको प्रहरीले उनलाई पक्राउ गरेको प्रहरी प्रधान कार्यालयले जनाएको छ।

धनकुटा प्रहरीले उक्त घटनाबारे लिलाबहादुरलाई हिरासतमा लिएर थप अनुसन्धान सुरु गरेको जनाएको छ।