बारामा कारभित्र मृत भेटिए प्रहरी कार्यालयका भान्से

काठमाडौं ।  बारामा प्रहरी कार्यालयका सहयोगी (भान्से) कारमा मृत अवस्थामा फेला परेका छन्। जिल्लास्थित जीतपुर सिमरा उपमहानगरपालिका-११ मा आज बिहान कारभित्र प्रहरी कार्यालय सहयोगी राजकुमार रुम्बा मृत फेला परेको जिल्ला प्रहरी बाराले जनाएको छ।

बागमती प्रदेश ०१-०२८ च ७६१६ नम्बरको कारभित्र सिमरा एयरपोर्टमा कार्यालय सहयोगीको पदमा कार्यरत रुम्बा रहेको बारा प्रहरीले पुष्टि गरेको छ।

मृतक रुम्बाले काम विशेषले राष्ट्रिय अनुसन्धान बाराका इन्सपेक्टरको गाडी मागेर गएको जानकारी आएको जिल्ला प्रहरी बाराले जनाएको छ। रुम्बा सोही कारभित्र आज बिहान मृत भेटिएका हुन 

बेवारिसे हत्या गरिएको अनुमान रहेता पनि पोष्टमार्टम रिपोर्ट नआउँदासम्म यकिनका साथ भन्न सकिने अवस्था नरहेको बारा प्रहरीले जानकारी दिएको छ। घटनाको सूक्ष्म अनुसन्धान भइरहेको छ, छुट्टै टोली खटाइएको हुँदा सम्बन्धित सबैसँग सोधपुछ चलिरहेको छ । त्यसकारण अहिले केही बोल्न सकिने अवस्था नभएको जिल्ला प्रहरी बाराले जनाएको छ।

घटनास्थलमा तालिम प्राप्त कुकुरको टोली बोलाएर अनुसन्धान गरिने प्रहरीले जानकारी दिएको छ भने गोली हानेर हत्या गरिएको वा अन्य कारण बारे अहिले केही भन्न नसकिने बारा प्रहरीले जानकारी दिएको छ।

बारा प्रहरीका अनुसार मृतक रुम्बाको टाउको पछाढि गहिरो छोट लागेको हुँदा पोष्टमार्टम पछि मात्र सबै कुरा खुल्ने जिल्ला प्रहरी बाराले जानकारी दिएको छ।