चोरी भएका ६ वटा मोटरसाइकलसहित ६ जना पक्राउ

रुपन्देही । जिल्ला प्रहरी कार्यालय रुपन्देहीले मोटरसाइकल चोरीमा संलग्न रहेको आरोपमा ६ जनालाई पक्राउ गरेको छ।

जिल्लाका विभिन्न स्थानबाट चोरी भएका मोटरसाइकलको खोजतलास गर्ने क्रममा चोरी भएका ती मोटरसाइकलसहित उनीहरुलाई पक्राउ गरिएको रुपन्देही प्रहरीले जानकारी दिएको छ।

जिल्ला प्रहरी रुपन्देहीले दिएको जानकारी अनुसार पक्राउ पर्नेमा रुपन्देहीको सियारी गाउँपालिका-२ का २० वर्षीय शनि भर, सोही स्थानकै १९ वर्षीय गणेश राजभर र २६ वर्षीय शिव जयसवाल रहेका छन् भने उनीहरुसँगै मोटरसाइकल चोरीमा संलग्न रहेको आरोपमा सोही गाउँपालिका- २ कै २४ वर्षीय अनिल यादव र २४ वर्षीय शिवकुमार मल्लाह रहेका छन् । 

त्यसैगरी प्रहरीले पाल्पास्थित माथागढी गाउँपालिका- ७ घर भएर हाल बुटवल-१३ बस्दै आएक २४ वर्षीय अर्जुन परियारलाई पनि पक्राउ गरेको जनाएको छ।

प्रहरीले उनीहरुलाई आबश्यक कारबाहीलाई अनुसन्धान अगाडि बढाएको जनाएको छ।