आफ्नै सासुको हत्या गरेको आरोपमा ज्वाइँ पक्राउ

काठमाडौं । आफ्नै सासुको हत्या आरोपमा प्रहरीले ज्वाइँलाई पक्राउ गरेको छ। 

काभ्रेस्थित मण्डनदेउपुर नगरपालिका-१ गैरीगाउँको घिसिङ टोलकी ५२ वर्षीया तिनमाया तामाङको हत्या अभियोगमा काभ्रे प्रहरीले उनकै ज्वाइँ सुकबहादुर तामाङलाई पक्राउ गरेको जनाएको छ।

गत मंसिर  ३० गते आफ्नै घरभित्र मझेरीमा मृत अवस्थामा फेला परेकी तिनमाया तामाङको उनकै २८ वर्षीय ज्वाइँ सुकबहादुरले हत्या गरेको अनुसन्धानबाट खुल्न आएपछि पक्राउ गरिएको काभ्रे प्रहरीले जानकारी दिएको छ।

काभ्रे प्रहरीका अनुसार सासू तिनमायाले ज्वाइँ सुकबहादुरलाई काम नगर्ने भनेर सधै गाली गर्ने सोही पनि गाली गरेकाले कुटपिट गर्दै हत्या गरेको उनले स्वीकार गरेका छन् ।

काभ्रे प्रहरीले सुकबहादुरलाई जिल्ला अदालत काभ्रेबाट ५ दिनको म्याद थप गरेर थप अनुसन्धानमा जुटेको जानकारी दिएको छ।