भक्तपुरको बालकोटमा बाबुछोरा मृत भेटिए, हत्याको आशंका

काठमाडौं । भक्तपुरको बालकोटमा बस्दै आएका बाबुछोरा मृत अवस्थामा भेटिएका छन् ।

जिल्लाको सुर्यविनायक नगरपालिका-२ बालकोट फिकाधारा टोलीमा बस्दै आएका ५६ वर्षीय कुलप्रसाद आचार्य र उनका २२ वर्षीय छोरा प्रविन आचार्य मृत फेला परेको जिल्ला प्रहरी परिसर भक्तपुरले जानकारी दिएको छ।

खोटाङस्थित रुपाकोट गाउँपालिका मजुवागढी- १ स्थायी घर भएर हाल बालकोट फिकाधारा टोलीमा बस्दै आएका बाबुछोरा आज बिहान छुट्टाछुट्टै कोठामा मृत फेला परेको प्रहरीले जनाएको छ।

प्रहरीका अनुसार उनीहरु मृत फेला परेको कोठा बाहिरको ढोकामा ताला लगाइएको र उनीहरुको शरीरमा धारिलो हतियार प्रहार गरिएको हुँदा हत्या भएको आशंका गरिएको छ। 

जिल्ला प्रहरी परिसरले घटनाबारे थप अनुसन्धान सुरु गरिएको जानकारी दिएको छ।