गोदावरीमा मोटरसाइकलको ठक्करबाट पैदलयात्रीको मृत्यु

काठमाडौं । मोटरसाइकलको ठक्करले एक पैदलयात्रीको मृत्यु भएको छ। 

ललितपुरस्थित गोदावरी नगरपालिका-३ मोतीचौरमा मोटरसाइकलले ठक्कर दिंदा एक पैदलयात्रीको मृत्यु भएको प्रहरीले जानकारी दिएको छ।

ललितपुर प्रहरीका अनुसार गए राति लुम्बिनी प्रदेश ०१ ००२ प ६६६३ नम्बरको मोटरसाइकलले स्थानीय ६० वर्षीय लुरु सिलवाललाई बाटो काट्ने  क्रममा ठक्कर दिएको थियो। ठक्करबाट गम्भीर घाइते भएका सिलवालको उपचारका क्रममा गए राति नै बी एण्ड बी अस्पतालमा मृत्यु भएको प्रहरीले जनाएको छ।

प्रहरीले मोटरसाइकल दुर्घटनामा सामान्य घाइते भएका चालक र मोटरसाइकललाई नियन्त्रणमा लिएर थप अनुसन्धान सुरु गरेको जनाएको छ।