आँधीखोला ट्रक दुर्घटना अपडेट: ट्रकका चालक र सहचालकको मृत्यु

तनहुँ । तनहुँको आँधीखोला पुलमा भएको ट्रक दुर्घटनामा दुई जनाको मृत्यु भएको छ। तनहुँ प्रहरीका अनुसार मृत्यु हुनेमा उदयपुरका ३० वर्षीय भेषराज पराजुली र रौतहटका २८ वर्षीय विजय विश्वकर्मा छन् ।मृतक पराजुली चालक र विश्वकर्मा सहचालक हुन् ।

आज बिहान  पृथ्वी राजमार्गअन्तर्गत तनहुँको आँबुखैरेनी गाउँपालिका वडा नं १ आँधीखोलामा डुम्रेबाट आँबुखैरेनीतर्फ गइरहेको बाप्र-१-००१ य १६५९ नम्बरको स्कोरपियोलाई विपरीत दिशाबाट आउँदै गरेको ए२-०३००-१ केएच २४४८ नम्बरको ट्रकले ठक्कर दिँदा दुर्घटना भएको थियो।

प्रहरीका अनुसार स्कोरपियोमा सवार ४ जना सामान्य घाइते भएका छन् । उनीहरुको आँबुखैरेनी अस्पतालमा सामान्य उपचारपछि डिस्चार्ज भएका छन् ।

ट्रक खेलामा खसेको र अगाडिको भाग च्यापिएकाले चालक र सहचालक पनि त्यसैमा च्यापिन पुगेको प्रहरीले जनाएको छ । खोलामा खसेको ट्रकलाई क्रेनको सहायताले निकालिएको छ ।