२२ वर्षीया युवतीमाथि सामूहिक बलात्कार घटना: एक भारतीयसहित ३ जना पक्राउ

काठमाडौं । मर्निङवाक निस्किएकी २२ वर्षीया युवतीमाथि भएको सामूहिक बलात्कार घटनामा प्रहरीले ३ जनालाई पक्राउ गरेको  छ।

मंगलबार बिहान मोरङको जहदहा गाउँपालिकाकी मर्निङवाकमा निस्किएकी ती युवतीलाई सामूहिक बलात्कार गरेको आरोपमा मोरङको कटहरी गाउँपालिका-२ का १९ वर्षीय मोहम्मद रमजान सोही स्थानका १९ वर्षीय सोनुकुमार साह र भारतको अररीया कुशाकट्टा बस्ने १९ वर्षीय मो गुल्जारलाई पक्राउ गरेको जिल्ला प्रहरी मोरङले जानकारी दिएको छ। 

मर्निङ वाकमा निस्किएकी ती युवती सामूहिक बलात्कारपछि उनको हातखुट्टा बाँधिएको र मुखमा पट्टि लगाइएको  अर्धचेत अवस्थामा बाँसको झ्याङ्गमा मंगलबार फेला परेकी थिइन् ।

विराटनगरको अस्पतालमा उपचाररत ती युवतीले आफू माथि  सामूहिक बलात्कार भएको जानकारी दिएपछि  बलात्कार घटनामा संलग्न भएकाहरुको खोजीकार्य गर्दा उनीहरुलाई पक्राउ गरिएको मोरङ प्रहरीले जनाएको छ।