पश्चिम नवलपरासीबाट लागुऔषधसहित दाङका शौरब पक्राउ

नवलपरासी । पश्चिम नवलपरासीबाट प्रतिवन्धित लागुऔषधसहित एक जनालाई पक्राउ गरेको छ।

पश्चिम नवलपरासीस्थित अस्थायी प्रहरी बिट भूमहीबाट प्रहरी सहायक निरीक्षक धिरज गौतमको कमाण्डको टोलीले प्रतिवन्धित लागुऔषधसहित दाङको घोराही उपमहानगरपालिका-१५ भृकुटीनगरका १९ वर्षीय शौरब वलीलाई पक्राउ गरेको हो।

जिल्ला प्रहरी नवलपरासीका अनुसार शौरबको साथबाट प्रहरीले १७ एम्पुल डाइजोपाम, १७ एम्पुल फेनारागन र १७ एम्पुक ब्रोनोफिन बरामद गरेको हो।

मंगलबार साँझ सुनवल नगरपालिका-१२स्थित भूमही-परासी सडकखण्डबाट  पक्राउ परेका उनलाई जिल्ला प्रहरी कार्यालय परासीमा ल्याएर थप अनुसन्धान सुरु गरिएको नवलपरासी प्रहरीले जानकारी दिएको छ।