श्रोत नखुलेको ९२ लाख नगदसहित ३ जना पक्राउ

काठमाडौं । उपत्यका अपराध अनुसन्धान कार्यालयले काठमाडौंबाट ९२ लाख रुपैयाँसहित तीन जनालाई पक्राउ गरेको छ।

विशेष सूचना पाएर गएको अपराध अनुसन्धानको टोलीले जोरपाटीबाट श्रोत नखुलेको ९२ लाख नगदसहित संखुवासभाका रवि धमला,सन्तोष खत्री र रसुवाका जितबहादुर तामाङलाई पक्राउ गरेको हो।

उनीहरु तीनै जनालाई गए राति ९२ लाख रुपैयाँसहित नियन्त्रणमा लिएपछि उनीहरुले उक्त रकमको श्रोत देखाउन नसकेपछि हिरासतमा लिइएको अपराध अनुसन्धान कार्यालयले जनाएको छ।

प्रहरीले उनीहरुसँग यस बारेमा थप अनुसन्धान सुरु गरेको जनाएको छ।