टीकापुरबाट विभिन्न गरगहना र नगदसहित दुई जना पक्राउ

टीकापुर। कैलाली प्रहरीले टीकापुरबाट विभिन्न  गरगहना र नगदसहित दुई जनालाई पक्राउ गरेको छ। 

जिल्ला प्रहरी कार्यालय कैलालीसहितको टोलीले टीकापुर नगरपालिका-१ गणेशपुरबाट बाजुराको बुढिगंगा नगरपालिका-१० का २५ वर्षीय सुजन शाही र कैलालीकै लम्कीचुहा नगरपालिका-४ की ३४ वर्षीया रम्भा जैशीलाई पक्राउ गरेको जनाएको छ।

प्रहरीले पक्राउ परेका सुजन र रम्भाको साथबाट ९५० ग्राम तौल भएको चाँदीको सिक्का, हिरा जस्तै देखिने पत्थरजडिर दुई वटा औंठी , एक थान सुनको बेरुवा औंठी,  एउटा सुनको सिक्री, एक थान पानको पात आकारको सुनको सिक्री, हिरा जस्तै देखिने एक जोर झुम्का, एउटा अर्को सुनको औंठी, २ थान खुट्टामा लगाइने सुनको बिछिया, एक थान नागिनी माला, १ जोर कानमा लगाउने सुनको रिङ  र सुनका अन्य गहनासहित १३ हजार नगद बरामद गरेको हो।

प्रहरीले उनीहरु सवार लु.प्र-०१-००३ प २२९९ नम्बरको मोटरसाइकल पनि जिल्ला प्रहरी कैलालीले जानकारी दिएको छ।

मंगलवार पक्राउ परेका उनीहरुसँग इलाका प्रहरी कार्यालय टीकापुरले थप अनुसन्धान अगाडि बढाएको जिल्ला प्रहरी कार्यालय कैलालीले जनाएको छ।