बहिनीको हत्या आरोपमा दाजु पक्राउ

रौतहट । रौतहटमा बहिनीको हत्या गरेको आरोपमा प्रहरीले दाजुलाई पक्राउ गरेको छ। 

परोहा नगरपालिका-८ नरकटिया टोल बस्ने २० वर्षीया तेतरीकुमारी रामको हत्या गरेको आरोपमा प्रहरीले उनका २२ वर्षीया दाजु दिपेन्द्रकुमारलाई पक्राउ गरेको हो।

जिल्ला प्रहरी कार्यालयकी डिएसपी एलिजा गिरीका अनुसार प्रहरीले दिपेन्द्रकुमारलाई पक्राउ गरेको हो।

दिपन्द्रकुमारले घरायसी विवादको कारण आवेगमा आएर बाँसको मुङ्ग्रोले हिर्काएका थिए। त्यसपछि गम्भीर घाइते भएकी तेतरीकुमारीलाई उपचारको लागि वीरगंजस्थित नारायणी अस्पताल लगिएको थियो।त्यहाँ उपचारको क्रममा उनको मृत्यु भएको हो।