कोहलपुरसहित विभिन्न स्थानबाट लागुऔषधसहित ११ जना पक्राउ

काठमाडौं । नेपाल प्रहरीले कोहलपुर सहित देशका विभिन्न स्थानबाट लागुऔषधसहित ११ जनालाई पक्राउ गरेको छ।
जसअन्तर्गत प्रहरीले झापाको भद्रपुर नगरपालिका-५ मेची पुलबाट ब्राउनसुगर जस्तो देखिने पदार्थ करिब १ ग्राम २१ मिलिग्राम सहित अर्जुनधारा नगरपालिका-२ बस्ने ४६ वर्षीय जित नारायण श्रेष्ठलाई बुधबार दिउँसो प्रहरीले पक्राउ गरेको छ । प्रहरी बिट मेचीपुल र लागूऔषध नियन्त्रण ब्यूरो काँकडभिट्टाबाट खटिएको प्रहरीले भारतबाट नेपालतर्फ आउँदै गरेको प्र २-०३-००५ प ९४८९ नम्बरको मोटरसाइकलमा सवार उनलाई उक्त पदार्थ सहित पक्राउ गरेको हो । 

त्यसैगरी कैलालीको धनगढी उपमहानगरपालिका-८ मुसकान टोल बस्ने ३१ वर्षीय सुरेन्द्र भट्टलाई अवैध लागूऔषध ब्राउनसुगर जस्तो देखिने पदार्थ करिब १ ग्राम ३ सय १० मिलिग्राम सहित बुधबार राति प्रहरीले पक्राउ गरेको छ । जिल्ला प्रहरी कार्यालय कैलालीबाट खटिएको प्रहरीले उनलाई उक्त पदार्थ सहित पक्राउ गरेको हो ।

प्रहरीले  कैलालीको धनगढी उपमहानगरपालिका-३ चटकपुरबाट अवैध लागूऔषध ब्राउनसुगर जस्तो देखिने पदार्थ करिब ३ सय ६० मिलिग्राम सहित २ जनालाई बुधबार बेलुकी प्रहरीले पक्राउ गरेको छ । पक्राउ पर्नेहरूमा बर्दगोरीया गाउँपालिका-२ बस्ने २६ वर्षीय राम प्रसाद चौधरी र कैलारी गाउँपालिका-५ बस्ने २५ वर्षीय हिमाल चौधरी रहेका छन् । जिल्ला प्रहरी कार्यालय कैलाली समेतबाट खटिएको प्रहरीले उनीहरूलाई उक्त पदार्थ सहित पक्राउ गरेको हो । 

सुनसरीको इटहरी उपमहानगरपालिका-१८ बस्ने ५९ वर्षीय महिद मियालाई अवैध लागूऔषध गाँजा करिब ५ सय ८६ ग्राम, ब्राउनसुगर जस्तो देखिने पदार्थ करिब ९० मिलिग्राम, तराजु १ थान र मोबाइल ६ थान सहित बुधबार दिउँसो प्रहरीले पक्राउ गरेको छ । इलाका प्रहरी कार्यालय पकलीबाट खटिएको प्रहरीले उनको घर तलासी गर्दा उक्त लागूऔषध फेला पारी उनलाई पक्राउ गरेको हो । 

यस्तै सर्लाहीको गोडैता नगरपालिका-१२ मधुवनीचोकबाट अवैध लागूऔषध सेतो हेरोइन जस्तो देखिने पदार्थ करिब ५२ ग्राम ५ सय १० मिलिग्राम, नगद ३० हजार ३ सय २० रूपैयाँ र मोबाइल २ थान सहित २ जनालाई बुधबार बेलुकी प्रहरीले पक्राउ गरेको छ । पक्राउ पर्नेहरूमा सिन्धुली मरिण गाउँपालिका-४ ठुलीदमार बस्ने ३४ वर्षीय तेज बहादुर बराईली र बारा निजगढ नगरपालिका-१ सिंगोल बस्ने ४२ वर्षीय आनन्द बराईली रहेका छन् । इलाका प्रहरी कार्यालय गडहिया र प्रहरी चौकी मधुवनगाउँबाट खटिएको प्रहरीले भारतबाट नेपालतर्फ आँउदै गरेको बाग्मती प्रदेश -३-००५ प ५२६२ नम्बरको मोटरसाइकलमा सवार उनीहरूलाई उक्त पदार्थ सहित पक्राउ गरेको हो । 

यसैगरी सर्लाहीको हरिवन नगरपालिका-१० बस्ने ६५ वर्षीया जय कुमारी पासवानलाई अवैध लागूऔषध गाँजा करिब १ किलो ७७ ग्राम सहित बुधबार राति प्रहरीले पक्राउ गरेको ‍छ । इलाका प्रहरी कार्यालय हरिवनबाट खटिएको प्रहरीले उनको घर तलासी गर्दा उक्त गाँजा फेला पारी उनलाई पक्राउ गरेको हो । 

प्रहरीकै बाँकेको कोहलपुर नगरपालिका-३ मैटहवाबाट अवैध लागूऔषध ब्राउनसुगर जस्तो देखिने पदार्थ ३ ग्राम ५ सय ५० मिलिग्राम र नगद १२ हजार ५ सय रूपैयाँ सहित ३ जनालाई बुधबार दिउँसो प्रहरीले पक्राउ गरेको छ । पक्राउ पर्नेहरूमा बर्दिया बारबर्दिया नगरपालिका९८ बस्ने २२ वर्षीय संतोष आउजी, ३० वर्षीय राम प्रसाद चौधरी र २९ वर्षीय प्रेम भण्डारी रहेका छन् । इलाका प्रहरी कार्यालय कोहलपुरबाट खटिएको प्रहरीले उनीहरूलाई उक्त पदार्थ सहित पक्राउ गरेको हो । 

यस सम्बन्धमा सम्बन्धित प्रहरी कार्यालयले थप आवश्यक अनुसन्धान गरिरहेको प्रहरी प्रधान कार्यालयले जानकारी दिएको छ।