स्कुटर दुर्घटनामा दुई जनाको मृत्यु

गुल्मी । स्कुटर दुर्घटना हुँदा गुल्मीमा दुई जनाको मृत्यु भएको छ । मृत्यु हुनेमा चन्द्रकोट गाउँपालिका वडा नं ६ झापकका ३० वर्षीय विनोद बिक र ४० वर्षीय किरणकुमार थापा छन् ।

जिल्ला प्रहरी कार्यालय गुल्मीका अनुसार चन्द्रकोट गाउँपालिका वड नं ७ सिस्नेखोलास्थित मजुवा-रिडी सडक खण्डमा लु१७प १६४४ नम्बरको स्कुटर दुर्घटनामा परेको हो।

मृतक दुवै सडक छेउमा पल्टिरहेको स्कुटरबाट बाटोदेखि अन्दाजी दुई सय ५० मिटर तल सिस्नेखोलामा खसेका थिए ।

पानीमा दुई जना तैरिरहेको देखेपछि स्थानीयले प्रहरीलाई खबर गरेका थिए ।प्रहरीले उनीहरुको उद्दार गरी उपचारका लागि प्रथामिक स्वास्थ्य केन्द्र जोहाङ खैरेनी गुल्मीमा पठाएका थिए ।

उनीहरुलाई अस्पताल पुर्याएपछि चिकित्सकले मृत घोषणा गरेको एसपी भुजेलले जानकारी दिए ।तीव्र गतिका कारण स्कुटर दुर्घटना भएको हुन सक्ने प्रहरीको अनुमान छ ।