१३ वर्षीया बालिकालाई बलात्कार गरेको आरोपमा २२ वर्षीय युवक पक्राउ

रोल्पा। १३ वर्षीया बालिकालाई बलात्कार गरेको आरोपमा प्रहरीले २२ वर्षीय युवकलाई पक्राउ गरेको छ।

रोल्पाको सुनछहरी गाउँपालिका-४ सिउरी बस्ने २२ वर्षीय हर्क बहादुर पुन मगरलाई प्रहरीले बलात्कारको आरोपमा पक्राउ गरेको जिल्ला प्रहरी रोल्पाले जनाएको छ।

हर्क बहादुरले ती बालिकालाई बलात्कार  गरेको भन्ने उजुरीको आधारमा प्रहरी चौकी कुलेलीबाट खटिएको प्रहरीले उनलाई पक्राउ गरेको हो ।   

यस सम्बन्धमा प्रहरीले आवश्यक अनुसन्धान गरिरहेको जनाएको छ।