ट्रकको ठक्करबाट क्यानडामा नेपाली युवतीको मृत्यु

काठमाडौं । नेपाली युवतीको क्यानडामा ट्रकको ठक्करबाट मृत्यु भएको छ। 

क्यानडाको ओन्टारियोस्थित लन्डन सहरमा १३ दिनअघि ट्रकको ठक्करबाट काठमाडौं घर भएकी ती युवती गम्भीर घाइते भएकी थिइन्।

गैर आवासीय नेपाली संघ (एनआरएनए) का अनुसार ९ महिनाअघि क्यानडा पुगेकी ती युवतीको उपचारका क्रममा बिहीबार मृत्यु भएको हो ।

दुर्घटनामा मृत्यु भएकी ती युवतीका अभिभावहरु क्यानडा आईसकेको र कानुनी प्रक्रिया पूरा गरेर अन्तिम संस्कार गरिने एनआरएनए क्यानडाले जनाएको छ।