जेजु एयर जहाज दुर्घटना: हालसम्म मृत्यु हुनेको संख्या ६२ जनाको पुग्यो (अपडेट)

काठमाडौं  । दक्षिण कोरियामा आज बिहान भयानक विमान दुर्घटना भएको छ । कोरियाको योनहाप समाचार एजेन्सीका अनुसार १८१ यात्रु बोकेको जेजु एयर जहाज दुर्घटना हुँदा कम्तीमा ६२ जनाको मृत्यु भइसकेको छ । 

प्रारम्भिक चरणमा २८ जनाको मृत्यु भएको बताइए पनि उद्दारका क्रममा ६२ जनाको मृत्यु भइसकेको छ । 

विमान धावनमार्गबाट ​​बाहिर निस्केको र देशको दक्षिण पश्चिममा रहेको मुआन अन्तर्राष्ट्रिय विमानस्थलको पर्खालमा ठोक्किन पुगेको थियो। समाचार अनुसार १७५ यात्रु र ६ जना उडान परिचर बोकेको जेजु एयरको विमान थाइल्याण्डबाट फर्किएको थियो र अवतरण गर्ने क्रममा दुर्घटना भएको बताइएको छ ।

उद्दार कार्य जारी रहेको जनाउँदै सो समाचार एजेन्सीले पूर्ण विवरण नआइसेको जनाएको छ ।