बन्दुक र ४७ पिस गोलीसहित दुई जना पक्राउ

सर्लाही। सर्लाहीको हरिवन नगरपालिका-६ चारली चोकबाट १ थान भरूवा बन्दुकसहित दुई जनालाई प्रहरीले पक्राउ गरेको छ। 

प्रहरीले उनीहरुको साथबाट बन्दुकसहित ५० ग्राम बारूद र ४७ पिस छर्रा (गोली) पनि बरामद गरेको जिल्ला प्रहरी कार्यालय सर्लाहीले जानकारी दिएको छ।

प्रहरीका अनुसार पक्राउ पर्नेमा हरिवन नगरपालिका-११ भेषराज टोल बस्ने ३४ वर्षीय जितेन्द्र कुमार घिसिङ र बागमती नगरपालिका-२ बस्ने ३५ वर्षीय रत्नलाल जिम्बा रहेका छन् । अस्थायी प्रहरी पोष्ट घर्कौलीबाट खटिएको प्रहरीले घर्कौलीबाट ढुङग्रेखोलातर्फ जाँदै गरेको बा.२३ प ८८९ नम्बरको मोटरसाइकललाई जाँच गर्ने क्रममा मोटरसाइकलमा सवार उनीहरूलाई गए राति हातहतियार सहित पक्राउ गरेको हो । 

यस सम्बन्धमा प्रहरीले आवश्यक अनुसन्धान गरिरहेको छ ।