१४ वर्षीया बालिकालाई बलात्कार गरेको आरोपमा २५ वर्षीय युवक पक्राउ

धनकुटा। प्रहरीले धनकुटामा १४ वर्षीया बालिकालाई बलात्कार गरेको आरोपमा २५ वर्षीय युवकलाई पक्राउ गरेको छ।

प्रहरीले बलात्कार आरोपमा जिल्लास्थित चौबिसे गाउँपालिका-२ बस्ने २५ वर्षीय मेख बहादुर लिम्बुलाई सोमबार बिहान  पक्राउ गरेको हो ।

प्रहरीका अनुसार लिम्बुले ती बालिकालाई ललाईफकाई चौबिसे गाउँपालिका-६ राजारानीस्थित होटलमा लगेर पुस ८ गते बलात्कार गरेको  उजुरीको आधारमा प्रहरी चौकी मुढेबासबाट खटिएको प्रहरीले उनलाई पक्राउ गरेको हो । 

यस सम्बन्धमा प्रहरीले आवश्यक अनुसन्धान गरिरहेको छ ।