कञ्चनपुरमा श्रोत नखुलेको ५ लाख भारुसहित एक युवक सशस्त्र प्रहरीको नियन्त्रणमा

काठमाडौं । सशस्त्र प्रहरीले श्रोत नखुलेको भारतीय ५ लाख रुपैयाँसहित एक जनालाई पक्राउ गरेको छ।

सशस्त्र प्रहरीले कञ्चनपुरस्थित भिमदत्त नगरपालिका–१० गड्डाचौकीबाट ५ लाख भारतीय रुपैयाँसहित  सोही नगपारलिका–६ ऐठपुर बस्ने २८ बर्षिय नवराज जैशीलाई पक्राउ गरिएको जानकारी दिएको छ।

पुस १३ गते साँझ भारतबाट नेपालतर्फ आउँदै गरेका  उनलाई सशस्त्र प्रहरीको  प्रस्तावित सीमा सुरक्षा गुल्म गड्डाचौकीले चेकजाँच का क्रममा ५ लाख भारतीय रुपैयाँँ फेला पारेपछि श्रोत खुलाउन नसक्दा पक्राउ गरेको हो। 

सशस्त्र प्रहरीका अनुसार बरामद गरिएका भारतीय रुपैयाँमा पाँच सय दरका १ हजार वटा  नोट रहेका छन्।

सशस्त्र प्रहरीले बरामद गरिएको ५ लाख भारुसहित पक्राउ परेका जैशीलाई आबश्यक कारबाही तथा अनुसन्धानका लागि कोहलपुरस्थित राजश्व अनुसन्धान कार्यालय पठाइएको सशस्त्र प्रहरीले जनाएको छ।